Saturday, 4 March 2017

മഞ്ഞക്കണിക്കൊന്ന നെറ്റിയില്‍ 
ഞാനൊരു മഞ്ഞള്‍ക്കുറിച്ചന്തം കണ്ടു
മഴവില്ലിന്നഴകേകും മണിമന്ദഹാസത്തില്‍
 മധുമാസചന്ദ്രിക കണ്ടു...
ഞാനതില്‍ മൗനാനുരാഗവും കണ്ടു..

മലര്‍വാടി തന്നില്‍ വിരിഞ്ഞൊരു മലരുപോല്‍
മിഴികൂമ്പി നീയെന്റെയരികില്‍ നില്‍ക്കേ
മൃദുലമാം  മന്ദസമീരനായ്‌ വന്നു നിന്‍
മുടിയിഴ തഴുകാന്‍ കൊതിച്ചു പോയീ....

മധുരമാമൊരു ഗാനമാധുരി പോലെ നിന്‍
മൊഴികള്‍ തന്നീണത്തില് ഞാനലിയേ
മലര്‍മഞ്ഞുപോലെ നിന്‍ മുഖപദ്മം ചുംബിക്കാന്‍
മനസ്വിനീ മനമൊന്നു തുടിച്ചു പോയീ..‍(old)


No comments: