Wednesday, 27 June 2018

"ഇറങ്ങിപ്പോ മക്കളേ' എന്ന് പറയാന്‍ ആരും ഇല്ലാതിരുന്നിട്ടും 'അമ്മ'യില്‍ നിന്നും അവരിറങ്ങിപ്പോയി...ആ സാരമില്ല.."കേറി വാടാ മക്കളേ "എന്ന് ആരെങ്കിലും പറയുവാണേല്‍ ആരെങ്കിലുമൊക്കെ കേറി വരുമായിരിക്കും ...ബൈ ദ ബൈ ..നാളെ ഞാന്‍ എന്റെ അമ്മയെ കാണാന്‍ നാട്ടിലേക്ക് പോവാണേ...പിന്നെ മനസ്സു നിറയെ മഴയും കാണണം..എന്നിട്ട് കട്ടന്‍ ചായയും  കുടിച്ച് അമ്മയുടെ കൂടെ ഇരിക്കുമ്പോ എനിക്കും പറയാനുണ്ടാവും.."മേരെ പാസ് മാ ഹെ " :P

Sunday, 24 June 2018

ആയുസ്സിന്റെ താളിലേക്ക് ഒരു വര്ഷം കൂടി എഴുതി ചേര്‍ക്കപ്പെടുമ്പോള്‍ ഇന്നോളം പങ്കു പറ്റിയ എല്ലാ സ്നേഹങ്ങളോടും ഇവള്‍ കടപ്പെട്ടവളാകുന്നു...ഒരു ജന്മം കൊണ്ട് ആരെയും സ്നേഹിച്ചു തീരില്ലെങ്കില്‍ക്കൂടിയും...ഹൃദയത്തിലുണ്ടാവും ഇതുവരെ  കണ്ടുമുട്ടിയ മുഖങ്ങളോരോന്നും...

Wednesday, 20 June 2018

"ഇന്ന് നീ പാടുമ്പോഴൊക്കെ കാറ്റാണല്ലോ വരുന്നത്?"

"ഓ..അതോ..

അത്...ഇന്ന് മ്യൂസിക് ഡേയും യോഗ ഡേയുമാണല്ലോ

അതുകൊണ്ട് മ്യൂസിക്കില്‍ അല്‍പ്പം യോഗ കലര്‍ത്തി നോക്കിയതാ.. " :P

Tuesday, 12 June 2018

നമ്മുടെ ഓരോ ചിന്തകള്‍ക്കും
ഒരേ സമയം ഒരായിരം അവകാശികളുണ്ടാവുന്നുണ്ട്
എല്ലാ ചിന്തകളും നമ്മുടെ മാത്രം സ്വകാര്യതകളായിരുന്നുവെന്നു
നമുക്കൊരിക്കലും  സ്ഥാപിച്ചെടുക്കാനുമാവുന്നില്ല
അതുകൊണ്ട് തന്നെ ചിന്തകളെ കാറ്റില്‍ പറത്തി വിടുകയാണ്
എന്നത്തേയും പോലെ
ഏതെങ്കിലും മണ്ണിലവ വീണുകിളിര്‍ത്തു പടര്‍ന്നു പന്തലിക്കട്ടെ ....

Monday, 11 June 2018

കവിത വേണ്ട്രാ പാട്ട് വേണ്ട്രാ 
ഈ കാണുന്ന ഫോളോവേര്സോന്നും വേണ്ട്രാ 
എഫ് ബി വേണ്ട്രാ പോസ്റ്റ്‌ വേണ്ട്രാ 

ഈ ലൈക്കും കമെന്റൊന്നും വേണ്ട്രാ 
ഇ ലോകമേ ..നീയൊരു മരണ മാസ്...:P
വാക്കുകള്‍ പരല്‍മീനുകള്‍!
ഓളപ്പരപ്പില്‍ ശാന്തരായിമചിമ്മിയും 
അടിയൊഴുക്കിനൊപ്പമടിവെച്ചു തെന്നിയും 
തൊട്ടു തൊട്ടില്ലെന്ന മട്ടിലോരോ മിനുട്ടിലും 
കുതറിമാറിച്ചിതറിയോടുന്നു 
വാക്കുകള്‍ പരല്‍മീനുകള്‍..!
എന്റെ പഴയ ഒറ്റ വരികള്‍
=========================
1.പഴയൊരോര്‍മ്മയുണര്‍ത്തിയിന്നാ പോണ്ട്സിന്റെ പരിമളം.....

2.പിരിയുമെന്നറിയാമെന്നാലും പ്രിയമുള്ലോരോടോത്തു...പതിവായീ യാത്ര തുടരാനീ പഥികയ്ക്കുമുള്ളില്‍ മോഹം..

3.ഒരു ചെമ്പനീര്‍പ്പൂവില്...ഒരു ഹൃദയത്തിന്റെ പകര്‍ത്തെഴുത്ത്..

4.അമ്പിളിപ്പാല്‍ക്കിണ്ണത്തില്‍ നിന്നൊരു തുള്ളി തുളുമ്പിത്തൂവി..നിലാവ്..

5.കവിതയെന്റെ കണ്ണീരു തുടയ്ക്കുന്ന കൈലേസ്...

6.മാഞ്ഞു പോകുമ്പോഴൊക്കെയും മഴവില്ല് മൊഴിഞ്ഞത് മഴയായ് പൊഴിയാമെന്നായിരുന്നു.....

7.സ്വന്തമല്ലെന്നറിഞ്ഞിട്ടും ചിന്തകളേ..നിങ്ങളെന്തിനെന്നെയിങ്ങനെ പന്ത് തട്ടുന്നു..?

8.ജീവിതം "ബാക്കപ്പി"ല്ലാതെ ഓര്‍ക്കാപ്പുറത്ത് "ഡിലീറ്റ്" ആയിപ്പോകുന്നൊരു പേജ്..

9.നിന്റെ കുടിലിലെ വെളിച്ചമാവേണ്ടെനിക്ക്..നിന്റെയിരുളില്‍ ഒരു മിന്നാമിനുങ്ങായാല്‍ മതി..

10.വിഗ്രഹമറിയുന്നുണ്ടാവുമോ..തുളസിക്കതിരിന്റെ ആരാധന..?

11.പ്രണയമേ എന്റെ കണ്ണുകളിലൂടെ നോക്കുമ്പോള്‍..നിന്നെക്കാള്‍ സുന്ദരമായ മറ്റൊന്നില്ല.

12.മൌനത്തിന്റെ ജലശംഖില്‍ ഓര്‍മ്മകളുടെ തിരത്തണുപ്പ്....

13.ഒരു നോക്കിന്റെ കാറ്റില്‍‍....ഉള്ളില്‍ ഒരു കടലിരമ്പം..

14.വേദനകളുടെ ഐസ് ക്യൂബുകളിട്ട വരികളുടെ വീഞ്ഞിനാണോ ലഹരിയധികം..?!

15.കവിയുടെ കാല്‍പ്പാടുകള്‍..കവിതകള്‍...

16.വരികള്‍ തീര്‍ക്കുന്ന വഴിയിലൂടെ നടന്നു ഞാനും നീയും നമ്മളാവുന്നു..

17.പിണക്കത്തിന്റെ ചവര്‍പ്പും..ഇണക്കത്തിന്റെ മധുരവും..സ്നേഹമൊരു നെല്ലിക്ക.

18.ഇളംകാറ്റിലൊന്നുലഞ്ഞാടിയൊരുമരമതിന്‍ സ്വരം പകര്‍ത്തുന്നു.

19.ചുവരിലെ ചതുരക്കണ്ണാടിയില്‍ തളച്ച കുരുന്നു ചിന്തകള്‍..

20.അര്‍ത്ഥത്തിനര്‍ത്ഥമറിയാത്തോനെന്നുമനര്‍ത്ഥമീജീവിതം 
അഷ്ടിക്കുമുട്ടില്ലാതെ കഴിഞ്ഞുപോകിലോ,അതു നിത്യസുഖപ്രദം!

21.നിന്റെ മതിലില്‍ പൂത്ത റോസാപ്പൂക്കളൊക്കെയും എനിക്ക് മുടിയില്‍ ചൂടാനല്ലേ..?

22.മഴയെന്ന കളിത്തോഴി.. പുഴയ്ക്കൊപ്പം ചിരിച്ചോടി...

23.പ്രണയം..ആത്മാവില്‍ ആത്മാവിന്റെ ചുബനം..

24.ചിന്തകളുടെ ചെമ്പകം പൂത്തത്..ചന്തമുള്ള കവിതകളായി...‍

25.മനസ്സിന്റെ ഇടനാഴിയിലെ മൃദുലമായ ഇലയനക്കങ്ങളാവാം..മധുരമായ നിദ്രയെപ്പോലും കവര്‍ന്നത്..

26.അമ്മയൊന്നെന്നെത്തലോടി.....
അല്ലലകന്നെന്റെയുള്ളം തെളിഞ്ഞു..

27.വാക്കുരുക്കി വരികള്‍ വിളക്കിച്ചേര്‍ത്തുണ്ടാക്കാം കവിതയെന്ന പാലയ്ക്കാമാല .......

28.ഒരു വരിതന്‍ നടവഴിയില്‍ ഞാനുപേക്ഷിച്ചു പോകുന്നു..ഓര്‍മ്മതന്‍ ഒരുകുലപ്പനീര്‍പ്പൂക്കള്‍ .....

29.കണി കാണുന്ന നേരം കവിതയായ് മുന്നില്‍ വരുമോ നീ...

30.ഒരു വരികൊണ്ടൊരക്ഷരമഴ നനയാം.........

32.മൌനങ്ങളുടയുമ്പോള്‍....ചിതറി വീഴുന്നു കവിതകളുടെ വളപ്പൊട്ടുകള്‍..

33.സൌഹൃദം ഒരു സങ്കീര്‍ത്തനം പോലെ ...ശ്രുതിയും താളവും സമന്വയിച്ച ശുദ്ധസംഗീതം പോലെ...

34.മരുഭൂമിയുടെ മൌനം മുറിച്ച്..മഴത്തുള്ളിക്കിലുക്കം...

35.കിളിപ്പാട്ടുകള്‍ നിലച്ചയിടം...മരണ വീട്ടിലെ നിശബ്ദത ....

36.തിരമാലകള്‍ ..........മണല്‍ത്തിട്ടകളില്‍ വെള്ളിപ്പാദസ്സരക്കിലുക്കങ്ങള്‍....

37.ക്ലാവ് പിടിച്ച ഓര്‍മ്മകളില്‍ പച്ച പുതച്ചു കിടക്കും ചിലപ്പോഴൊക്കെ മനസ്സ്...

38.ചാരുബെഞ്ചില്‍ ചാരിയിരുന്നു ചാറുന്ന മഴ കാണാന്‍ ചാരെ നീ പോരുമോ ചാരു ശീലേ..?

39..കുസൃതിക്കാരി കവിതക്കുരുന്നിനു...കടലാസ്സിന്റെ കുപ്പായം.

40.കവിതയില്‍ നിങ്ങള്‍ തിരയുന്നതെന്താണ്? കവിയുടെ മനസ്സോ..കവിതയുടെ പൊരുളോ..?

41.ജീവിതം ..സ്വപ്നങ്ങളുടെ നടവഴി..

42.കുഞ്ഞു പൂവിന്നിതളില്‍ പിരിഞ്ഞു പോവാന്‍ മടിച്ചു ഒരു മഞ്ഞു തുള്ളി കരഞ്ഞു...

43.വരികളുടെ വീഞ്ഞ് തീരുമ്പോള്‍ മഴ പെയ്തു തോര്‍ന്ന പോല്‍..മൌനം....

44.ജീവിതം ഒരൊറ്റ വരിക്കവിത പോലെ.. നിന്നില്‍ തുടങ്ങി നിന്നിലവസാനിക്കുന്നു.....

45.ഒരു കടല്‍ കിനാവ്‌ കണ്ടൊരു മഴത്തുള്ളി...

46.കിണറിലെ വട്ടക്കണ്ണാടിയില്‍ നിലാപ്പൊട്ട്.

47.കവിളില്‍ ഒരായിരം നുണക്കുഴികള്‍ വിരിയിച്ച് മുറ്റത്തൊരുപുഴ ചിരിക്കുന്നു 
...
48.തോല്‍ക്കാന്‍ അനുവദിക്കാത്ത മനസ്സിന്റെ ദുരഭിമാനമാണ് എന്റെ പ്രണയം.....

49.സന്ധ്യയോടടുക്കുമ്പോള്‍ സമയമായെന്നു ചൊല്ലുന്ന ഘടികാരം വീട്ടിലേക്കുള്ള വഴി ഓര്‍മ്മിപ്പിക്കുന്നു...

50.മുറിവുകളത്രേ...കവിതയുടെ ഉറവുകള്‍...

51.കാറ്റിന്റെ മൃദു ചുംബനം..മുളം തണ്ടൊരു മുരളിക..

52.ഇടമുറിയാതെ പെയ്യുന്ന കവിതയില്‍ മനസ്സേ..നീ ഒരിക്കലും ഇതള്‍ വാടാത്തൊരു മലരാവുക..

53.മഴ പാടുന്നു പഴയ നാടന്‍ പാട്ട് ഗൃഹാതുരം ..

54.തകരപ്പാത്രത്തില്‍ മഴത്തുള്ളിയുടെ തകിലടി ..

55.പ്രകൃതിയുടെ ആത്മാവിന്റെ സംഗീതം ആര്‍ദ്രമായി മഴയായൊഴുകി...

56.വാടിയ വസന്തത്തെ ഓര്‍മ്മയില്‍ ചൂടുന്നു കാലം..


57.തൂലിക കടലാസ്സിനെ അമര്‍ത്തിച്ചുംബിച്ചു കൊണ്ടിരിക്കുമ്പോഴാണ്‌ അവര്‍ക്കിടയിലേക്ക് ഒരു കവിത കയറി വന്നത് .

58.മരിച്ച പുഴയ്ക്ക് മണല് കൊണ്ടൊരു താജ്മഹല്‍...

59.
അക്ഷരങ്ങള്‍ ...മനസ്സിന്റെ ജാലകങ്ങള്‍ ..

60.
മഞ്ഞുതുള്ളിയുടെ കവിളില്‍ ഒരു കുഞ്ഞു മഴവില്ല്..


61.മനസ്സെന്ന ഭ്രാന്തന്‍ കുതിരയ്ക്ക് വേണം 
ചിന്തകള്‍ കൊണ്ടൊരു കടിഞ്ഞാണ്‍‍..


62.വരികളൊഴിഞ്ഞും നിറഞ്ഞും കവിതയുടെ പാനപാത്രം..

63.മിഴികള്‍കൊണ്ടെത്ര  ലിപികള്‍....അവയിലത്രയും  പറയാത്ത  മൊഴികള്‍...


 65.നാമറിയുന്നത് പോലെ നമ്മെയാരറിയുന്നുവെന്നോര്‍ത്തു നോക്കിയിട്ടുണ്ടോ?


66.മിഴികള്‍ കൊണ്ടൊന്നു  തൊടുമ്പോള്‍പ്പോലും മീട്ടിപ്പോകും മനസ്സെന്ന മണ്‍വീണ.

66 മിഴികളിടയുമ്പോള്‍ മൊഴികളിടറുന്നു...

67.ഇടയിലൊരു പുഞ്ചിരിത്തുണ്ടെറിഞ്ഞാകാശം ചോദിക്കുന്നു പറയൂ ഞാനിളവെയിലോ നിലാവോ ?!

68.കവിയുടെ വിരല്‍ത്തുമ്പിലെ മാസ്മരികത..കവിത തന്‍ ചാരുത..

69.കാലങ്ങള്‍ക്കിപ്പുറം വീണ്ടും മിടിച്ചു തുടങ്ങിയതിനെ ആരുമറിയാതെ  ഉടച്ചു കളയണമെനിക്ക് ...അതിനെന്തു മുഴക്കമാണതെന്റെയുറക്കം കെടുത്തുന്നുവല്ലോ...

65.മാറാല കെട്ടിയെന്നു തോന്നുമ്പോള്‍ ഞാനെന്റെ പ്രിയപ്പെട്ട ഫാനൊന്നെടുത്ത്‌ തുടച്ചു വെക്കും....ചൂടത്തെന്നെ വീശിത്തണുപ്പിക്കേണ്ടവളല്ലേ..
.
66.അറിയുന്നുണ്ടെന്നോരറിവ് മതി...വരികള്‍ക്ക് പൂക്കാന്‍ മറ്റെന്തു വേണം ?!

67.മിടിച്ചു മിടിച്ചത് പൊട്ടിത്തെറിക്കും മുന്നേ പെട്ടിയിലെടുത്തു പൂട്ടി വെക്കുകയത്രയളുപ്പമായിരുന്നില്ലെങ്കിലും എപ്പോഴുമതിനുള്ള്   നിറയെ  കാതോര്‍ത്താല്‍ കേള്‍ക്കാനാവുന്ന നിശബ്ദമായ തുടിപ്പുകളുണ്ടായിരിക്കും.....

68.ഹൃദയം കൊണ്ടു വായിക്കപ്പെടുമ്പോഴാണ്...ലിപികള്‍ അപ്രസക്തമാവുന്നത്...

69.കാലങ്ങള്‍ മുന്നേ കണ്ടിരുന്നു ...വാക്കുകളാല്‍ വരികളാല്‍ ഓരം ചേര്‍ന്ന് നടന്നിരുന്നു....പെയ്യാതെ പെയ്ത മഴകളും  നനയാതെ നനഞ്ഞ മരങ്ങളും  നമ്മളായിരുന്നു ..

70.മിഴികള്‍ കൊണ്ടുമൌനം കുടിച്ചു വറ്റിക്കുന്ന പകലുകള്‍ക്കെന്തു ലഹരിയാണ്..!